20 верасня споўнілася 80 гадоў з дня нараджэння нашай зямлячкі, беларускай паэткі і перакладчыцы, заслужанага дзеяча мастацтваў Беларусі, лаўрэата Літаратурнай прэміі імя А.Куляшова, Літаратурнай прэміі імя Уладзіміра Калесніка, Ганаровага грамадзяніна г.Белаазёрска Ніны Іосіфаўны Мацяш. 30.09 ў цэнтры прайшло мерапрыемства "Паэтка-зямлячка", прыўрочанае да гэтай даты. Навучэнцы аб’яднання па інтарэсах “Тэатр лялек” паказалі гасцям, вучням малодшых класаў сярэдняй школы №3 г.Белаазёрска, батлеечны спектакль па казцы Н.Мацяш “Краіна Белы свет, або Прыгоды Краснючка”. Пасля кароткага аб’меркавання казкі дзеці малявалі вокладку да кніжкі-малышкі з гэтай казкай. Вучні засталіся задаволеныя вынікамі сваёй работы, бо далучыліся не проста да святкавання юбілею пісьменніцы, а папрацавалі мастакамі-афарміцелялі.